Подкаст

Рипариски шуми – нашите шумливи пријатели: разговор со екологот Ивана Лозановска [#16]

МУЗИКА: Purple Planet Music

Звукот на моторните пили е најстрашниот звук за дрвјата. Неверојатно е колку сме им неблагодарни на овие прекрасни организми кои ни го прочистуваат воздухот, односно ни го снабдуваат со кислород, и со тоа – ни овозможуваат да дишиме. Но дрвјата прават и многу други корисни работи за нас – на пр. оние кои растат покрај реките – т.н. „рипариски шуми“ – нѐ штитат од поплави и ерозии, ја филтрираат и прочистуваат водата и се живеалиште за многу животни коишто живеат покрај реките.

Токму ваквиот вид на дрвја, нивната биологија и значење ги проучува нашата соговорничка, Ивана Лозановска, која е докторанд на Универзитетот во Лисабон, Португалија. Во оваа епизода од „Наука за сите“ подкастот, разговараме и за концептот на екологијата како наука која има далеку поголем опсег од популарното разбирање на истата само како „чистење на околината“. Ивана беше љубезна да објасни и како хидроцентралите и браните влијаат врз животната средина, што може да направиме за да ги зачуваме реките и вегетацијата околу нив, збор-два кажавме и за животот во Португалија каде што студира, разјаснивме која е разликата меѓу „еколозите“ и „екологистите“, зборувавме како е да се кампува и истражува предели во името на науката и многу други интересни и битни работи. Затоа, не ја пропуштајте оваа 16-та епизода од „Наука за сите“ подкастот со Атанас Кирјаковски.

Содржина Време
Најава, добредојде и самопретставување. Како дојде до разговорот со денешната гостинка? Која е Ивана Лозановска, што студира и каде, и како ја засакала екологијата? 00:05
Што е екологија? Која е разликата помеѓу популарното сфаќање на терминот „екологија“ и екологијата како наука? Што проучува и на што се фокусира? Која е разликата меѓу еколозите и екологистите? 06:35
Професионалниот живот на Ивана? Што се „рипариски шуми“ и зошто се битни? Која е улогата на дрвјата покрај реките? Ккао се корисни во екосистемот, но и како се уништуваат? 12:39
Како се одвиваат истражувањата на Ивана? Што се тоа „патувања за научни цели“? Како се собираат и анализираат податоците? Како се одвива теренската работа? 16:54
Дали во Македонија се прават слични студии? Како и каде се прават во земјава? Која е разликата помеѓу „блато“ и „мочуриште“? 19:59
Како е да се живее и работи во Португалија? Дали Португалците имаат сличности со Македонците? Каква е климата и темпото на животот? 22:44
Во контекст на екологијата, што е „функционален диверзитет“? Што ни раскажуваат растенијата за средината во којашто живееме? 26:26
Каде сме ние како луѓе во целата еколошка приказна? Која е нашата улога во екосистемот? Како влијаеме на истиот? Ефектот на браните и хидроцентралите врз животната средина и рипариската вегетација. Што се случува со видовите коишто живеат во таа средина? 30:28
Што може да се направи за да ги зачуваме реките во нивната природна форма? Светски и балкански тренд на уништување на реките. Зошто е тешко да се адресираат ваквиот тип на проблеми? 33:27
Идини планови на Ивана и каде планира да ги продолжи своите истражувања? Поздрав, благодарност и одјава. 36:48
Претходен напис
Научниот стерилитет во Македонија
Следен напис
За носењето маски и носењето нерационални мерки

Напишете коментар

Вашата адреса за е-пошта нема да биде објавена. Задолжителните полиња се означени со *

Пополнете го ова поле
Пополнете го ова поле
Ве молам, внесете валидна адреса за е-пошта.

Мени
Споделете со пријателите