360 степени и новинарката Славица Филиповска деновиве направија видео сторија во која истражуваат зошто многумина во Македонија упорно веруваат дека коронавирусот не постои. Во истата учество зеде и основачот и уредникот на Наука за сите, Атанас Кирјаковски кој е и професор по психологија и когнитивни науки на Меѓународниот балкански универзитет во Скопје. Во сторијата, Атанас објаснува зошто луѓето не ја детектираат опасноста од коронавирусот, зошто мислат дека ништо не може да се направи во врска со епидемијата и дава неколку препораки како да се комуницира со населението. Огромна благодарност до тимот на 360 степени и новинарката Славица Филиповска.
