Подкаст

Мапата на мозокот: разговор со биоинженерот Томи Бошковски [#10]

Томи Бошковски е докторски кандидат и истражувач при Институтот за биомедицински инженеринг, Политекник Монтреал, којшто е афилиран со Универзитетот во Монтреал, Канада. Неговите истражувања се фокусираат на конектомиката (наука која се занимава со мапирање на мозочната поврзаност) и квантитативната магнетна резонанца. Томи развива нови мрежни модели и методи за анализа на централниот нервен систем и се обидува да најде пософистицирани начини за рана детекција на неуроинфламаторните и неуродегенеративните заболувања, поспецифично, на Паркинсоновата болест и мултиплекс склерозата (невролошко нарушување кое настанува кога имуниот систем ја напаѓа миелинската обвивка на невронските аксони во централниот нервен систем и оптичките нерви). Во своите истражувања употребува машинско учење за анализа на податоци од квантитативна магнетна резонанца. За него можете повеќе да дознаете на неговата лична веб страница.

Содржина Време
Вовед. Како Томи заминува за Канада? На кој универзитет студира и работи? 00:13
„Прво го изедовме десертот.“ Благодарност до Томи за учеството во подкастот. Неговите предавања на ФИНКИ на кои и се запознава со Атанас Кирјаковски од Наука за сите. 05:37
Што сакал да студира и да учи Томи? Како и зошто се определил за биоинженерство? Што точно истражува(л)? Улогата на професорот и академик Љупчо Коцарев во научното определување на Томи. 08:20
Нови трендови на дигитализирање на медицината и биолошките науки. Дали вештачката интелигенција ќе станува се поголем фактор во медицината? 11:46
Подетално објаснување околу истражувањата на Томи. Што е конектом на мозокот? Видови на поврзаност во мозокот. Разлики помеѓу сива и бела материја на мозокот. Анатомија на неврони. Што се аксони и миелинска обвивка? Што се синапси? 15:26
Што е мултиплекс склероза? Како настанува и кои се симптомите? Каков е текот на болеста? 23:01
Како се детектира и дијагностицира мултиплекс склерозата со постоечките методи? Што се лезии? Како истражувањата на Томи допринесуваат во дијагностицирање на мултиплекс склерозата? Какви податоци користи и како течат неговите истражувања? Како во неговата лабораторија се анализираат податоците? 27:22
Кога очекува Томи да докторира? Каков е животот во Канада? Има голема македонска заедница во Торонто. Околу франкофонската култура во Квебек. 38:52
Какви планови има Томи после докторирањето? 45:52
Што е тоа „отворена наука“? Како Томи и неговите колеги ја промовираат истата? Како Наука за сите има удел во тоа? Што е репликабилност и репродусибилност во науката? Колку се инвестира во науката во Македонија, а колку во светот? 47:00
Ситуацијата во достапните ресурси за наука не е толку критична како порано. Сега има далеку повеќе бесплатни ресурси како Sci-Hub на пример. Проблемот на комуникација меѓу научниците и пошироката јавност. Вредноста на иницијативите како Наука за сите. 56:43
За тешкотијата да се пишува просто и едноставно за комплексни прашања со цел полесно да се пренесе знаењето до што повеќе луѓе. Дали концептот на отворена наука е доволен за подобрување на перцепцијата на јавноста во однос на науката? Научното описменување треба да се одвива од рана возраст, посебно поради тоа што децата имаат природен импулс да истражуваат. И научниците мора да се борат за вниманието на јавноста. Поздрав и одјава. 01:02:57
Претходен напис
Шумските пожари во Австралија создаваат сопствена микро-клима
Следен напис
Кратка историја на универзумот: првите мигови

Напишете коментар

Вашата адреса за е-пошта нема да биде објавена. Задолжителните полиња се означени со *

Пополнете го ова поле
Пополнете го ова поле
Ве молам, внесете валидна адреса за е-пошта.

Мени
Споделете со пријателите