Пеце Подигачоски е докторант на астрономија на Универзитетот Гронинген, Холандија, каде ги изучува активните галаксии во раниот Универзум, главно користејќи инфрацрвени податоци од Хершеловата вселенска опсерваторија. Дел од резултатите ги објавува во меѓународни списанија. Тој е еден од добитниците на Ван Гог стипендијата за 2015-та година, која се доделува за реализирање на научна соработка помеѓу институти во Франција и Холандија. Магистрира астрономија на програмата АстроМундус, која е дел од Еразмус Мундус образовниот проект на Европската Комисија, остварувајќи студиски престои во Австрија, Италија и Србија. Претходно, Пеце дипломира астрономија на Универзитетот Јакобс, во Бремен, Германија. Тој е еден од основачите на "Наука за сите", и покрај астрономските теми се интересира и за теми од физика, сеизмологија, веројатност и статистика. Долги години е симпатизер на фудбалскиот клуб Ливерпул, не верува во хороскоп, пие чоколадно млеко и редовно вози велосипед со сопругата.