Запознавање со науката на визуелизирање преку пример

Што ако некој побараше од Вас да ги групирате вашите facebook пријатели во неколку класи, така што во секоја група би имале пријатели кои што се познааваат меѓу себе. И што ако се работи за обложување, и групирањето треба да биде најбрзо што може со колкушто е можно помалку грешки.

Прво нешто коешто најверојатно ви паѓа на ум е дека луѓето од вашето училиште се познаваат меѓу себе, и затоа групата од овие луѓе би припаѓала на една facebook класа. Вашите роднини најверојатно ги имаат разменето нивните facebook профили на последната свадба и сега си праќаат farmville подароци еден на друг, така што и тие би биле поврзани. Пријателите од вашето маало исто така би се познавале меѓу себе. А и ако сте запознале некои врсници за време на некое летување, постои голема веројатност да оваа мала група луѓе комуницира преку социјалниот медиум. Меѓутоа, кој би бил најбрзиот и најефикасен начин да ги пронајдете ваквите групи?

Обично, првата идеја која доаѓа на ум е да се побараат сите пријатели коишто живеат во вашиот град. Меѓутоа брзо би воочиле дека овие пријатели ги вклучуваат вашите пријатели од училиште, вашите пријатели од маало, и други различни познаници од градот, а тоа би значело дека ваквото пребарување ќе измеша неколку групи на луѓе. Можеби би помиcлиле да пребарате низ луѓето кои што се “чекирале” на локацијата од вашето летување, меѓутоа вака би добиле многу други луѓе кои што биле на ова место независно. Или можеби мислите да барате мануелно за да го направите сортирањето преку заедничките пријатели, меѓутоа ова би ви одзело премногу време.

Но што ако ви кажам дека постои апликација за facebook која што автоматски ги прелистува вашите пријатели, ги става околу еден круг, и црта линија помеѓу секои два пријатела кои што се знаат меѓусебно? Истата апликација потоа “магично” ги групира пријателите меѓу кои има повеќе конекции поблиску еден до друг, така што во крајната слика групите би се издвојувале меѓу себе. На овој начин селекцијата би била супер лесна, нели?

Слика 1. Тркало на facebook пријатели: Friendwheel.

Или, уште подобро, што ако ви кажам дека постои друга апликација, која што ги покажува сите пријатели на една рамнина, и ги селектира и групира заедно базирано на заедничките особини. Закон, нели?

Слика 2. Графикон од facebook пријатели. (Права: Matt Baggott)

Ова би заштедило многу од вашето време, и би резултирало со сумирана верзија на сите информации во еден поглед. Науката која стои позади ова и се залага за ваквото прикажување на информациите се вика визуелизација. Таа помага многу мултидимензионални податоци да бидат обработени и да ни ги прикаже на нам, корисниците, на интуитивен и експресивен начин. Таа исто така ни овозможува да си поигруваме со информациите индиректно (како на пример да кликнеме на пријателите од пријателскиот круг, или да добиеме информации за кои пријатели се претставени со кои точки во добиените кластери доколку поминеме со маусот врз нив), и со ова ни овозможува да не мора да ги анализираме информациите од огромни табели една по една.

За крај, имајте на ум дека со науката на визуелизација можеме да постигнеме многу повеќе од играње со нашите facebook пријатели. Всушност, визуелизацијата се користи секојдневно за многу важни работи како временска прогноза, прикажување на резултати од избори, прикажување на планини или долини во вашите географски атласи, но и визуелизирање на органи и болести во човечкото тело кои што ни помагаат да спасиме човечки животи.

Ова беше само краток вовед за да се запознаете со науката. Доколку сакате да дознаете многу повеќе за ова неверојатно научно поле и каде може истото да се примени, посетувајте го ова место почесто за многу повеќе интересни текстови со сликовити илустрации. Дотогаш, пробајте да ги импресионирате вашите пријатели со тоа колку брзо можете да ја решите задачата со групирање на пријателите.

https://apps.facebook.com/friendwheel/
http://givememydata.com
https://gephi.github.io

Слични статии

Претходен написи
Извонредни прашања: како од еден геном се добиваат стотици типови на клетки?
Следен напис
Црни дупки: егзотични објекти со огромна маса

Напишете коментар

Вашата адреса за е-пошта нема да биде објавена. Задолжителните полиња се означени со *

Пополнете го ова поле
Пополнете го ова поле
Ве молам, внесете валидна адреса за е-пошта.

Мени

Споделете со пријателите