Организацијата за мапирање на човечкиот мозок (Organization for Human Brain Mapping) е креирана во 1995 година и оттогаш еволуира како резултат на брзиот раст на невровизуелизацијата и нејзината застапеност во традиционалната наука. Една од примарните функции на организацијата е да овозможи едукативен форум за размена на најнови истражувања поврзани со човечкиот мозок. Ова го постигнува преку годишни конференции и научни текстови кои имаат за цел да ја приближат науката до истражувачите од полето на невровизуелизацијата, но и до пошироката јавност. Многу често, членовите на OHBM пишуваат и за еден од масовните електронски медиуми, Huffington Post.